दोलखाली समाज दक्षिण कोरियाको भेला तथा अधिवेशन मे २४ मा हुने

दक्षिण कोरियामा रहेका दोलखालीहरुको साझा संस्था ‘दोलखाली समाज दक्षिण कोरिया’को भेला तथा अधिवेशन आगामी मे २४ मा आयोजना हुने भएको छ ।

संस्थाले एक सूचना जारी गर्दै सम्पूर्ण दोलखाली दाजुभाइ तथा दिदीबहिनीहरुलाई कार्यक्रममा उपस्थित भई सफल बनाउन आग्रह गरेको हो । संस्थाका अनुसार कार्यक्रम २४ मे २०२६ आइतबार बिहान ११ः३० बजे सुवनस्थित उरी हिमालयन रेष्टुरेन्ट (गेट नम्बर ११) मा आयोजना गरिनेछ । कार्यक्रममा संस्थाको अधिवेशनसँगै आपसी भेटघाट, छलफल तथा आगामी योजनामाथि समेत विचारविमर्श गरिने जनाइएको छ । “तपाईं हाम्रो सुख दुःखको साथी, दोलखाली समाज दोलखालीको हितमा” भन्ने नारासहित आयोजना हुन लागेको कार्यक्रममा दक्षिण कोरियामा रहेका सम्पूर्ण दोलखाली समुदायलाई सहभागिताका लागि हार्दिक निमन्त्रणा गरिएको आयोजकले जनाएको छ ।