ख्यङ्नाम नेपाली समाज दक्षिण कोरियाको दोस्रो अधिवेशन मार्च ८ मा

गोविन्द बानियाँ, सउल कोरिया ।

दक्षिण कोरियाको ख्यङ्साङ्नाम्दो क्षेत्रमा क्रियाशील ख्यङ्नाम नेपाली समाज दक्षिण कोरिया को दोस्रो अधिवेशन आयोजना हुने भएको छ । “कला, संस्कृति र सम्पदा नेपालको शान, प्रवासमा प्रवर्द्धन साझा अभियान” भन्ने मूल नारासहित आयोजना हुन लागेको अधिवेशनमा समाजका सदस्य तथा दक्षिण कोरियामा रहेका नेपाली समुदायको गरिमामय उपस्थितिका लागि आयोजकले हार्दिक निमन्त्रणा गरेको छ । अधिवेशन आगामी ०८ मार्च २०२६ (आइतबार) मध्यान्ह १:०० बजे ख्यङ्नाम इजुमिन सेन्टरको भवन, चाङवन (창원시 의창구 사화로18번길 30) मा सम्पन्न हुने जनाइएको छ ।

अधिवेशनमार्फत संस्थाको भावी कार्यदिशा तय गर्नुका साथै नयाँ नेतृत्व चयन गर्ने कार्यक्रम समेत रहेको आयोजकले जनाएको छ ।