इलामेली समाज दक्षिण कोरियाद्वारा ‘इलामेली म्युजिकल नाइट’ आयोजना

गोविन्द बानियाँ, सउल दक्षिण कोरिया । दक्षिण कोरियामा क्रियाशील इलामेली समाज, दक्षिण कोरिया ले आगामी फेब्रुअरी १६मा ‘इलामेली म्युजिकल नाइट’ आयोजना गर्ने भएको छ ।

 

कार्यक्रम सउलको 청량리역 नजिकै (서울특별시 동대문 왕산로 37길27 현대코아 ) मा साँझ ७ बजेदेखि बिहान ५ बजेसम्म सञ्चालन हुने आयोजकले जनाएको छ । कार्यक्रममा चर्चित र्‍यापर Mr. D को विशेष प्रस्तुति रहनेछ । उपस्थित दर्शकहरुलाइ डिजे रमेश लामाले झुमाउनेछन् । 

 

त्यसैगरी गायकहरू मिलन दोङ, अमृत लिम्बु, सुनील गुरुङ, आशिष मोक्तान, ऱ्यापर दोर्जे जोजो लगायत कलाकारहरूको प्रस्तुति रहनेछ भने नृत्यतर्फ शर्लिन तामाङ को प्रस्तुती रहने जनाइएको छ ।

 

कार्यक्रमको उद्देश्य कोरियामा रहेका इलामेली तथा नेपाली समुदायबीच आपसी सद्भाव, मनोरञ्जन र सामाजिक सहकार्य प्रवर्द्धन गर्नु रहेको आयोजक संस्थाले जनाएको छ । कार्यक्रममा विभिन्न संघसंस्था तथा व्यवसायीहरूको सहकार्य रहेको छ ।