BREAKING NEWS : दक्षिण कोरियाका राष्ट्रपतिद्धारा कोरियामा मार्सल ल (प्रत्यक्ष शैन्य शासन) लागु

दक्षिण कोरियाका राष्ट्रपती युन सक यलले कोरियामा ‘मार्शल ल’ अर्थात आपतकालिन शैन्य शासन लागु गरेका छन् ! यो शासनमा राष्ट्रपति नै सर्वेसर्वा हुने गर्दछन् । जुन संवैधानिक मुलुकका कु को रुपमा समेत हेर्ने गरिन्छ । यस्तो शासन व्यवस्था युद्ध, आन्दोलन तथा दैवि प्रकोपका बेला लागु गर्ने गरिन्छ । मंगलबार राती १० बजेर २५ मिनेटमा राष्ट्रको नाममा आपतकालीन टेलिभिजन सम्बोधन गर्दै राज्य विरोधी शक्तीहरु सलबलाएकाले आफ्नो मुलुकको रक्षाका निम्ती यस्तो निर्णय गर्नुपरेको बताएका थिए ।
उत्तर कोरियाले निरन्तर रुपमा दिइरहेको आक्रमणको धम्की तथा दक्षिण कोरिया भित्रै राज्यविरोधी शक्तीहरुको गतिविधी बढ्दै गएको उनले बताएका थिए ।
त्यस्तै संसदमा समेत राष्ट्रपतीले प्रस्तुत गरेका एजेन्डाहरुमा पनि समर्थन नपाएको उनको भनाइ थियो ।
राती अबेर आकस्मिक रुपमा वाइटिएन टेलिभिजनबाच प्रसारित सम्बोधनमा युनले संवैधानिक व्यवस्थाको रक्षा र मुलुकको स्वतन्त्रताका निम्ती यो शासन लागु गरिएको घोषणा गरेका थिए । उनले विपक्षी दलहरुले संसदिय प्रक्रियालाइ बन्धक बनाएर देशलाइ संकटमा पारेको जनाउँदै यि सबै समस्याबाट जोगाउन आफुसंग अरु विकल्प नभएको समेत स्पष्ट पारेका थिए ।

कोरियामा राष्ट्पतिको दल पिपुल पावर पार्टी र डेमोक्रेटिक पार्टिबिच आगामी बर्षको बजेट बिधेयकका बारेमा विवाद चर्किएको छ । साथै विपक्षी पार्टीले राष्ट्रपति की पत्नी तथा अन्य शिर्ष पदाधिकारीमाथि लागेको भ्रष्टाचारको आरोपमा छानविनका लागी दवाव दिँदै आएको छ ।

युनको यो घोषणा संगै विपक्षी डेमोक्रेटिक पार्टीले आपतकालिन बैठक बोलाएको छ । संसदमा डोमोक्रेटिक पार्टीको बहुमत रहेको छ ।