दोलखाली समाजको आयोजनामा छक्का पञ्जा-५ प्रदर्शन गरिँदै

नेपालको विभिन्न स्थानका दुर्गम क्षत्रका बालबालिकाको स्वास्थ्य र शिक्षा सहयोगार्थ दक्षिण कोरियामा नेपाली चलचित्र छक्का पञ्जा ५ प्रदर्शन गरिने भएको छ । कोरियामा सक्रिय रहेको दोलखाली समाज दक्षिण कोरियाको आयोजना तथा बागमती प्रदेश एकता समाज दक्षिण कोरियाको सहजीकरणमा आगामी आइतबार अर्थात् नोभेम्बर १० तारिख सुवन शहरमा चलचित्र प्रदर्शन गर्न लागिएको हो ।

सुवनमा रहेको मेगाबक्समा आइतबार दिउँसो १ बजेदेखि चलचित्र शुरु हुने आयोजकले जनाएको छ । दीपकराज गिरी, दीपाश्री निरौला र केदार घिमिरेको मुख्य अभिनय रहेको छक्का पञ्जा ५ नेपाली दर्शकले पछिल्लो समय निकै नै रुचाएको चलचित्र हो । चलचित्र हलको ठेगाना : 수원시 팔달구 행궁로71