कोरियामा निर्माण गरिएको "तिम्रो नजर" गीतको म्युजिक भिडियो सार्वजनिक

अध्ययन तथा रोजगारीका सिलसिलामा दक्षिण कोरियामा रहेका नेपाली कलाकारहरूले निर्माण गरेको "तिम्रो नजर" बोलको गीतको म्युजिक भिडियो सार्वजनिक भएको छ । गीतको भिडियो सोम बुढा युट्युब च्यानल मार्फत गत आइतवार सार्वजनिक भएको हो । सार्वजनिक भएको भिडियोमा सोम बुढाको शब्द, संगीत र स्वर रहेको छ भने यस गीतमा दिपेन ताम्रकार, प्रभा गुरुङ र सनी थापा मगरको अभिनय रहेको छ । दिपेनले यसअघि पनि म्युजिक भिडियोमा अभिनय गरिसकेका छन् भने प्रभा र सनीको यो डेब्यू म्युजिक भिडियो हो । भिडियो

 

आयुष उप्रेतीले निर्देशन गरेको यस म्युजिक भिडियोको छायांकन र सम्पादन भने दीपक पौडेलले गरेका हुन् । यस भिडियोको छायांकन कोरियाको सउल र सुवनका विभिन्न स्थानमा गरिएको हो । यस भिडियोमा आफूले मन पराएको मान्छेले अरु कसैलाई मन पराएको बिषय बस्तुलाइ आधार बनाइएको छ ।