ह्वासङ नेपाली परिवारको आयोजनामा देउसी भैलो कार्यक्रम

दक्षिण कोरियाको ह्वासङ शहरमा रहेका नेपालीहरूको साझा परिवार ह्वासङ नेपाली परिवारको आयोजना तथा ह्वासङ विदेशी सहायता केन्द्रको सहयोगमा देउसी भैलो कार्यक्रम आयोजना गरिएको छ । दीपावलीको अवसर पारी आगामी नोभेम्बर ३ तारिख आइतबारका दिन सो कार्यक्रम आयोजना गरिएको हो । आइतबार बिहान ११ बजेदेखि ह्वासङ माइग्रेन्ट सेन्टरको तेस्रो तल्ला मा कार्यक्रम शुरु हुने आयोजक संस्थाकी अध्यक्ष सजना सुब्बाले जानकारी दिनुभएको छ ।

नेपाली चाडपर्व, संस्कृतिको संरक्षण साथै प्रचार प्रसार गर्ने उद्देश्यले देउसी भैलो कार्यक्रम आयोजना गरिएको हो । दक्षिण कोरियामा रहनुभएका जो कोही पनि यस कार्यक्रममा सहभागी हुन सक्ने आयोजकले जनाएको छ ।

 कार्यक्रम स्थलको ठेगाना तथा थप जानकारीका लागी ब्यानरमा दिइएका नम्बरहरूमा सम्पर्क गर्न सक्नुहुनेछ ।