आजदेखी कोरियामा सोजु गिलासमा पनि पाइने, सिंगै बत्तल किन्नु नपर्ने

आजदेखी दक्षिण कोरियामा सोजु तथा माकल्ली जस्ता रक्सीहरू सिङ्गै बोतल नभै सानो एकाइ अर्थात गिलासमा पनि किन्न र बेच्न पाइने भएको छ ।

 

यसअघि कोरियाका रेष्टुरेण्ट र भट्टीहरुमा सोजु र माकल्लीको बोतलभन्दा सानो एकाइमा बिक्री गर्न प्रतिबन्ध थियो । पुरानो नियमअनुसार यसरी बोतल भन्दा सानो एकाइमा उपलब्ध गराएमा रेष्टुरेण्टको लाइसेन्स नै खारेज गर्ने सम्मको नियम थियो । निकै बर्ष पहिले रक्सी जन्य पदार्थको खपत बढाउन बोतल नै किन्नु/बेच्नु पर्ने नियम शुरु गरिएको थियो । तर पछिल्लो समय बियर तथा ह्विस्की सानो एकाइमा पनि अर्डर गर्न सकिने तर सोजु नसकिने भएपछि असमानता महसुस गर्दै कोरियाली सरकारले नियम परिवर्तन गरेको हो । अब देखी रेष्टुरेन्टहरुमा एक बत्तल सोजु दिनुहोस् को सट्टा एक ग्लास सोजु दिनुहोस् भनेर अर्डर गर्न सकिन्छ ।