BREAKING NEWS :  कोरियाका राष्ट्र्पतिविरुद्धको महाअभियोग प्रस्ताव पारित, पदबाट निलम्बन

दक्षिण कोरियाका राष्ट्र्पति युन सक यल विरुद्धको महाअभियोग प्रस्ताव कोरियाको राष्ट्रियसभाबाट बहुमतले पारीत भएको छ । ३०० मत मध्य २०४ जनाले पक्षमा ८५ जनाले विपक्षमा मतदान गरेका थिए भने ३ जना अनुपस्थित र ८ जनाको मत रद्ध भएको थियो । 
प्रस्ताव पारित भएसंगै युन पदबाट निलम्बनमा परेका छन् । अब प्रधानमन्त्री हान दक सुले कार्यभार राष्ट्रपतिको पद सम्हाल्ने छन् । राष्ट्रिय सभाबाट पारीत प्रस्ताव उपर संवैधानिक अदालतमा बहस हुनेछ । संवैधानिक अदालतले दोषी ठहर गरेमा पूर्ण रुपमा पदमुक्त भइ कारवाही पनि हुनेछ ।
राष्ट्रपति यलले ११ दिन अघि देशमा आपतकालिक सैन्य शासन लागु गरेका थिए भने त्यस्को ६ घन्टा मै फिर्ता लिएका थिए । त्यसपछी राष्ट्रव्यापी नागरिक आन्दोलन समेत जारी छ ।