फोनमनीले हस्तान्तरण गर्यो विजेतालाइ १ करोड, पुरस्कार रकमबाट घर निर्माण गर्दै विजेता

दक्षिण कोरियाको रेमिट कम्पनी फोनमनीले सञ्चालन गरेको “फोन मनी साथमा १ करोड हातमा” उपहार योजनाको विजेतालाई पुरस्कार हस्तान्तरण गरिएको छ । गत आइतबार फोनमनीको कार्यालय दोङ्देमुनमा योजनाका विजेता मिलन विश्वकर्मालाई सो रकम हस्तान्तरण गरिएको हो । गत जुलाई १५ तारिखमा उपहार योजनाको लक्की ड्र मार्फत विजेता चयन गरिएको थियो । पुरस्कार रकम हस्तान्तरण पछि खुशी साट्दै विजेता विश्वकर्माले फोनमनीले आफुलाइ विजेता छनोट गरेकोमा धन्यवाद दिँदै प्राप्त रकम नेपालमा बन्दै गरेको घरमा खर्च गर्ने बताएका थिए ।

कम्पनीले यसै योजनाको साप्ताहिक स्वरूप पैसा डबल मार्फत फोनमनी बाट कारोबार गर्ने ३६ जनाको पैसा डबल समेत गराएको थियो ।

छिटो, भर पर्दो र सुरक्षित सेवा प्रदान गर्दै आएको फोनमनीले डिजिटल सुरक्षालाई उच्च प्राथमिकता दिँदै डिभाइस डिटेक्टर सिस्टम जस्तो प्रविधिको प्रयोग गरिरहेको छ । जसले सम्भावित ठगी र ह्याकिङबाट प्रयोगकर्ताहरूलाई सुरक्षित राख्ने कार्य गर्दछ ।

शून्य सेवा शुल्क, छरितो प्रक्रिया, उत्कृष्ट  ग्राहक सेवा र विविध रेमिट्यान्स विकल्पहरू उपलब्ध गराउँदै आएको फोनमनीले हालसम्म नेपालसँगै श्रीलङ्का, बङ्गलादेश, इन्डोनेसिया र भियतनामसम्म आफ्नो सेवा विस्तार गरिसकेको छ ।