कोरियामा यस बर्षका भलिबल प्रतियोगिता शुरु, अप्रिल ६ मा ४० लाख वनको प्रतियोगिता

दक्षिण कोरियामा नेपालको राष्ट्रिय खेल भलिबलको सिजन शुरु भइसकेको छ । कोरियामा रहेका नेपाली भलिबल खेलाडीहरूको अबको समय कोरियामा हुने प्रतियोगितामा सक्रिय सहभागिता जनाउँदै बित्नेछ ।

यसको सुरुवात हुँदैछ यो बर्षको पहिलो प्रतियोगिता आगामी अप्रिल ६ तारिखबाट । एनआरएनए दक्षिण कोरियाको आयोजनामा अप्रिल ६ तारिख आइतबार ‘एनआरएनए भलिबल टुर्नामेन्ट २०२५’ आयोजना हुँदैछ जसको नाम दर्ता यही मार्च २९ तारिख सम्म गर्न सकिनेछ भने टाइसिट मार्च ३० तारिखमा हुने आयोजकले जनाएको छ । यस प्रतियोगितामा पुरस्कार भने कोरियाका प्रतियोगिताहरू मध्य को सबैभन्दा उच्च राखिएको छ । यस प्रतियोगिताको विजेता टिमले नगद ४० लाख वन का साथमा ट्रफी प्राप्त गर्नेछ । त्यस्तै उपविजेता टिमले २० लाख वन र ट्रफी प्राप्त गर्नेछ । यस प्रतियोगिताका लागी टिम दर्ता शुल्क ३ लाख ५० हजार वन तोकिएको छ । प्रतियोगिता अघिल्लो वर्षका धेरै प्रतियोगिता आयोजना गरिएको सुवन स्थित आजु विश्वविद्यालयको भलिबल कोर्टमा आयोजना हुँदैछ । अन्य जानकारी तथा टिम दर्ताका लागी पोस्टरमा रहेका नम्बरहरूमा सम्पर्क गर्न सक्नुहुनेछ ।