ट्रम्प र कोरियाली राष्ट्रपति यून बीच टेलिफोन कुराकानी, २ कोरियाबीच उत्पन्न तनावका विषयमा पनि छलफल

नवनिर्वाचित अमेरिकी राष्ट्रपति डोनाल्ड ट्रम्प र दक्षिण कोरियाका राष्ट्रपति यून सक यल बीच टेलिफोन कुराकानी भएको छ । उनीहरुबिच बिहिबार बिहान करिब १२ मिनेट कुराकानी भएको थियो । राष्ट्रपति यूनले ट्रम्पलाई बधाई दिन टेलिफोन गरेका थिए । कुराकानीको क्रममा सुरक्षा, अर्थतन्त्र र विश्वव्यापी मुद्धाहरुमा छलफल भएको साथै ट्रम्पलाई छिट्टै कोरिया भ्रमणको निम्तो समेत दिइएको राष्ट्रपति कार्यालयले जनाएको छ । ट्रम्प को पहिलो कार्यकालमा जापान, दक्षिण कोरिया र अमेरिका बीच त्रिपक्षीय सम्बन्ध बलियो भएको स्मरण गराउँदै आगामी दिनमा पनि सोही अपेक्षा गरेको बताएका थिए । उनीहरुबिच उत्तर कोरियाले हिजो मात्रै गरेको मिसाइल परीक्षण तथा रुसमा सेना तै नाथ गरेको र २ कोरियाबीच उत्पन्न तनाब का बिषय मा पनि कुराकानी भएको थियो ।

 

ट्रम्प ले आफ्नो कार्यकालमा कोरिया र अमेरिकाबीच सम्बन्ध थप प्रगाढ बनाउने प्रतिबद्धता व्यक्त गरेका थिए । यता कोरियाको राष्ट्रपति कार्यालयले भने ट्रम्प ले कार्यभार सम्हाल्नु अघि नै दुई राष्ट्रपति बीच भेटघाटको व्यवस्था मिलाउन लागेको जनाएको छ। ट्रम्पले जनवरीबाट आधिकारिक रुपमा पदभार ग्रहण गर्नेछन् । सो अघि नै भेटघाटको लागी टेलिफोनमा ट्रम्प सहमत भएका छन् ।