सिन्धुपाल्चोक समाज दक्षिण कोरियाको दशौँ वार्षिक उत्सव यही नोभेम्बर ३ तारिखमा

दक्षिण कोरियामा सक्रिय सिन्धुपाल्चोक समाज दक्षिण कोरियाको दशौं वार्षिक उत्सव कार्यक्रम यही नोभेम्बर ३ तारिख आइतबारका लागि तोकिएको छ ।

कार्यक्रम दोंदेमुनको नेपाली थाइ रेष्टुरेण्टकाे सभाहलमा सम्पन्न हुने आयोजकले जनाएको छ । दशौँ वार्षिक उत्सव कार्यक्रम बिहान ११ बजेदेखि सुरु हुनेछ । आपसी सहयोग सद्भाव र सदाचार सिन्धुपाल्चोक बासी मिलनको आधार भन्ने मूल नाराका साथ सन् २०१४ मा स्थापित सिन्धुपाल्चोक समाज दक्षिण कोरियाले कोरियामा रहेका सिन्धुपाल्चोक बासीका लागि विभिन्न कार्यहरू गर्दै आएको छ । कार्यक्रमको सम्पूर्ण तयारी पूरा भएको आयोजकले जनाएको छ । ३ तारिख आइतबार ११ बजेदेखि सुरु हुने सिन्धुपाल्चोक समाज दक्षिण कोरियाको दशौं वार्षिक उत्सव कार्यक्रममा विभिन्न सिलसिलामा दक्षिण कोरियामा रहनुभएका सम्पूर्ण नेपालीहरुमा उपस्थितिका लागि हार्दिक निमन्त्रणा समेत गरिएको छ ।