आज कोरियाको 현충일, अर्थात स्मृती दिवस

आज कोरियाको 현충일, अर्थात कोरियाली युद्धका शहिदहरु को सम्झनामा मनाइने स्मृती दिवस । आज कोरियाभर सार्वजनिक बिदा दिइन्छ । हरेक बर्षको जुन ६ तारिकलाइ ह्यन्चुङइलको रुपमा मनाइने गर्दछ । आजपनि ६५ औँ स्मृति दिवस कोरियाको सउल राष्ट्रिय समाधि स्थलमा यो दिवस भव्यताका साथ मनाइएको छ । समाधिस्थल रहेका शहिदहरु को चिहानमा फुल चढाउँदै मौन धारण गरी उनीहरुको त्याग र बलिदानको सम्मान गरिएको छ । उक्त सार्वजनिक कार्यक्रममा कोरियाका राष्ट्रपति युन सक यल पनि सहभागी भएका थिए ।

यो दिन कोरियाको राष्ट्रिय झण्डा पनि आधा झुकाइने गर्दछ। आफ्नो राष्ट्र र राष्ट्रियताका खातिर ज्यानको बाजी लगाइ आजको यो कोरिया बन्न महत्वपूर्ण भुमिका खेल्नेहरुलाइ आज ठुलो सम्नान पनि गर्ने गरिन्छ । सन् १९५० देखी शुरु भइ ३ बर्ष सम्म चलेको कोरियाली युद्धको क्रममा २५ लाख भन्दा बढी मानिसको ज्यान गएको थियो । जसमा दक्षिण कोरियाका मात्रै १० लाख जना नागरिक थिए, भने २ लाख १७ हजार जना सैनिक थिए । ४ लाख २९ हजार जना दक्षिण कोरियालीहरु घाइते भएका थिए । कोरियाली युद्ध सकिएको ३ बर्षपछी सन् १९५६ बाट तिनै शहिदहरु को सम्झनामा यो दिवस मनाउन थालिएको हो ।